Arcun da tradiziun

Igl arcun da tradiziun da Laax ei vegnius aviarts 1980 e muossa egl anteriur edifeci dalla cascharia dil 19avel tschentaner co ina famiglia da purs viveva avon ca. 200 onns a Laax. La cuschina, la stiva e la combra ein endrizzadas cun mobiglias ed objects historics. Las localitads vegnan embellidas cun differentas latiarnas e plumpas. La pli veglia part dil museum ei la stalla che datescha digl onn 1696. Ella ei vegnida baghegiada si da niev il 1984 sper il museum.

Tematisaus vegn era il svilup da Laax duront il 20avel tschentaner dil vitg puril al liug turistic. Quei process vegn illustraus cun exponats dils secturs da turissem e sport e d'ina seria audiovisuala/films davart la historia ed il svilup dalla vischnaunca.

Igl arcun da tradiziun da Laax dispona d'ina collecziun da varga 2'200 beins culturals ch'ein tuts vegni produci da habitonts da Laax ni ch'ein arrivai el vitg entras maridaglia.

Igl arcun da tradiziun ei en possess dalla Fundaziun Pro Laax.

---

Archiv

Gallaria da maletgs

Arcun da tradiziun Laax Il museum ei naven dils 3 da fenadur - 11 d'octobere 2018 aviarts mintgamai il margis e la giavgia naven dallas 15:00 - 18:00 uras Arcun da tradiziun 2018

---

Gallaria da maletgs

Guder tratgas da pli baul / ils 18 e 19 da matg 2018 Ils scolars dalla 2. superiura cuschinan ensemen cun lur scolasta da cuschinar Patricia Cadruvi, tratgas da pli baul. Per part vegnan quellas spisas cuschinadas avon il museum sin la platta da fiug. Cuosts: Fr. 25.-- (senza vin) Organisaziun: Fundaziun Pro Laax/museum ensemen cun Patricia Cadruvi

---

Gallaria da maletgs

Exposiziun da figuras da fletter / fenadur 2017 - avrel 2018 Naven dils 4 da fenadur 2017 entochen ils 12 d'avrel 2018 presenta dunna Iazinta Truog sias figuras da fletter sut il tema "praulas". Flyer unviern Flyer stad

---

Gallaria da maletgs

Apicultura ier ed oz en Surselva / 2014 L'exposiziun ei vegnida organisada da Marius Hublard. El ei apicultur e graficher e habitescha a Glion.

---

Gallaria da maletgs

Museum giubileum da 30 onns / 2010 Ils 17 da fenadur 2010 festivescha il museum da Laax siu giubileum da 30 onns. Ei spetga Vus diversas attracziuns. Allas 11.00 e 14.00 uras enfiarra il fravi in cavagl. Il canastrer e la filunza muossan lur interessanta lavur.

---

Gallaria da maletgs

Til Agrischa Glion / 2010 La dumengia, ils 11 d'avrel 2010 ha il museum da Laax astgau far part al til festiv dalla Agrischa a Glion.

---

Gallaria da maletgs

Exposiziun da stallas da Nadal / 2008 Naven dils 2 da december 2008 entochen miez schaner 2009 ha liug l'exposiziun da stallas da Nadal. Dumengia ils 21 da december 2008 allas 16.00 vegn ranquintau historias da Nadal. L'exposiziun ei vegnida organisada entras Gion Giachen Capaul e Romana Brunold.