DEUTSCHStrauss Carl
 |
Carl Strauss (*1873 Boston USA, †1957 Laax) ha viviu duront duas uiaras mundialas, ha viviu en monarchias e dictaturas.
El ha studegiau en renomadas scolas d’art ell’America ed ell’Europa ed ha gia baul survegniu in oreifer num sco artist. Enconuschentas ein surtut sias gravuras d’irom. El ei staus da casa en diversas tiaras, diversas metropolas per la finfinala setschentar entuorn 1920 a Laax egl uclaun da Salums, nua ch’el e sia dunna Helene han baghegiau il «Straussennest». 2023, per il 150avel anniversari da Carl Strauss, ha la CULARTA envidau affons, creaturAs da cultura e persunas dil fatg da s’avischinar allas ovras da Strauss cun fastitgs auditivs. Il program da detagl anfleis Vus cheu. In omagi persunal Anna.R.Stoffel ed il team da project. Intervestas cun persunas che haun enconuschiu Strauss ein stadas la basa dalla lavur artistica. Las impressiuns eran magari differentas, vegnan da perdetgas dils onns 1940/50 e raquentan d’ina veta retratga egl uclaun da Salums sper Laax, dalla lavur, digl art. La tscherca da fastitgs e motivs ella Toscana ed a Firenza ha denton era provocau novas damondas. Las empremas emprovas e material documentar ein naschi ella Toscana. Las meglieras lavurs ein denton vegnidas creadas egl atelier da Anna.R.Stoffel a Turitg – el «Flow» ruasseivel, senza cameras, sapientiv ni nunsapientivamein. Art nescha sche sentimens van surora. E quei ei bien aschia. Dapli informaziunns anfleis Vus cheu e sin la pagina d’internet carlstrauss.ch. |