150 ONNS CARL STRAUSS

Na – era jeu hai buca enconuschiu persunalmein Carl Strauss. Sias gravuras eran enconuschentas. Mo sur sia persuna, sia veta schai aunc oz in vel.

Tgei ha menau e teniu el cheu a Laax? Tgei ha muentau el? Tgi era quei artist e carstgaun che viveva e luvrava ell’ucliva solitaria da Salums?

Sco president dalla Fundaziun Pro Laax eis ei mia finamira da tener en veta nossa historia locala – e part da quella ei era Carl Strauss. Jeu sperel che quei ei – silmeins in ton – reussiu cun las differentas exposiziuns ed occurrenzas realisadas el decuors digl onn giubilar.

Erwin Ardüser

2023, per il 150avel anniversari da Carl Strauss, ha la CULARTA envidau affons, creaturAs da cultura e persunas dil fatg da s’avischinar allas ovras da Strauss cun fastitgs auditivs.
Il program da detagl anfleis Vus cheu.