TSCHERCA DA FASTITGS
Patratgs davart il film ««Carl Strauss: Eine persönliche Hommage – von der Spurensuche zum Schaffensprozess».
Suenter haver realisau il film ha Curdin Albin medemamein ughegiau – sco Anna.R.Stoffel – in sguard anavos sigl agen process da lavur. Tuttenina eis ei vegniu endamen ad el: gl'entir temps era el staus in detectiv, in voyeuristic aunc vitier! Tut il material da film criu, fragmentau, haveva el suttamess al plaz da lavur digital ad in'egliada documentara – ed observau daferton ord la distanza da spazzi e temps la tscherca da fastitgs dall'artista.
Sch'il cass ei sligiaus? Enzanua sut sia meisa da scriver sesanfla segir aunc in tac da tenta...
Curdin Albin (*1984) ei carschius si ella Val Medel. El ha studegiau pedagogia e scienzia da film e lavura tiel Uffeci per la scola populara e sport dil cantun Grischun. Sper la professiun ei igl autodidact era activs sco graficher ed illustratur independent.