CUORS DALLA VETA
Carl e Helen Strauss-Keller avon l’ustria Straussennest a Laax/Salums.
| 1848/49 | A caschun dils embrugls dalla Revoluziun tudestga da 1848/49 emigreschan il tat e la tatta da Strauss da Hessen-Darmstadt/Tiaratudestga a Boston/USA. |
| 1873 | Carl Strauss nescha ils 4 d’october 1873 a Boston, Massachusetts, USA. |
| 1890-1994 | Viseta dall'Academy of Fine Arts a Boston ch'ei affiliada al Museum of Fine Arts. |
| 1896 | Student da decoraziun ornamentala e figurativa alla Scola roiala d’art a Minca. Terapia encunter siu balbegiar alla scola curativa da lungatg ad Eisenach. |
| 1897 | Studi all’Academia Julien a Paris. |
| 1898 | Retuorn a Minca ed enconuschientscha cun il sculptur Karl Maximilian Würtenberger (1872-1933) che daventa in bien amitg da Strauss. Els fan enconuschientscha persunala cun Arnold Böcklin (1827-1901), admiran sias ovras sco era quellas da Hans von Marrees (1837-1887). Viadi a Firenza cun Würtenberger, nua che Strauss viva tochen igl onn 1900. |
| 1900 | Retuorn a Boston per exequir decoraziuns figurativas pli grondas. Sesenta buca bein en quella «provinzia digl art». |
| 1901 | Strauss retuorna definitivamein en l’Europa, secasescha puspei a Firenza e seprofilescha sco pictur-artist e dessignader. |
| 1907 | Emprema preschientscha ella publicitad cul maletg «La sensualità» all’exposiziun internaziunala da Venezia. |
| 1915 | Carl Strauss ei a Roma. Entrada dall’Italia ell’Emprema uiara mundiala. Strauss, cun in num da famiglia tudestg, sto bandunar la tiara. Partenza en Svizra. Duront il transport da sias lavurs da format grond dall’Italia en Svizra van quellas a piarder. In schabetg traumatic per igl artist. |
| 1916 | Amitgs envidan Strauss da star a Stans/NW. |
| 1916-1922 | Strauss lavura sco translatur per in’agentura da gasettas (translaziuns digl engles, franzos e talian en tudestg). |
| 1917 | A Stans pitescha Strauss dil «Verlust der anregenden Kunststadtatmosphäre» e fa midada a Lugano. |
| 1918 | Domicil a Turitg: Wolfbachstrasse 11. |
| 1920/21 | Viadis e turas en Surselva. |
| 1922 | Strauss pren dimora «Im alten Heim» a Laax/Salums, ella casa dils frars Burkhardt. |
| 1926 | Maridaglia cun Helen Keller (1899-1985) da Hornussen/AG. |
| 1927 | Construcziun dall’atgna casa/ustria, il «Straussennest», a Laax/Salums. |
| 1957 | Strauss miera ils 27 da settember a Laax/Salums muort ina insufficienza dil cor. Toni Nigg, siu davos scolar, inventarisescha il relasch e restampa numerusas gravuras da Strauss. |
| 1973 | Igl onn giubilar digl anniversari da 100 onns da Strauss surdat sia dunna Helen Strauss-Keller igl entir relasch artistic da siu um al Museum d’art dil Grischun. |
| 1985 | A caschun dalla sepultura da Helen Strauss Keller (†14.5.1985) vegn era l’urna da Carl Strauss plazzadas ella medema fossa sil santeri a Laax. |