ROMONTSCH Sprache umschalten DEUTSCH

Sir Henry

Florian Fuchs a caschun dalla inauguraziun dalla sculptura ils 18 da zercladur 2022.
Sin la Senda Hans Moser a Laax spetga Sir Henry sin visitadras e visitaders.
Il tgaun Sir Henry, il cumpogn fidau dil caricaturist, ha survegniu in plaz tut special silla Senda Hans Moser. Sir Henry mira cun egliada aviarta viers il Rein, leu nua che la tschendra da Hans Moser ei vegnida surdada all’aua.

La figura da bronz ha il sculptur Florian Fuchs (sin la foto da vart seniastra) da Valendau creau.

Perdetga dil fatg che siu tgaun ha adina puspei inspirau la lavur da Hans Moser ei era quella pintga publicaziun, cumparida 1993, che porta il tetel «Der kleine rote Hund».