Audiowalk

Sper il lag
Ina spassegiada accustica entuorn il Lag Grond, il lag da Laax.

Equipai cun igl agen telefonin ed uregliers vegnan las visitadras ed ils visitaders accumpignai e navigai d’ina vusch entuorn il lag. En tempo cumadeivel, cun entginas pausas, san ins tedlar il cirquit sonor «Sper il lag».
Igl «Audiowalk» parta da «La sera sper il lag», l’enconuschenta poesia da Flurin Camathias, che Gion Balzer Casanova ha mess en musica. La descripziun romantica da Camathias ei punct da partenza dalla lavur d’Anselm Caminada. La lavur accustica semova per liung la descripziun transifgurada. Ella va alla tscherca dil vargau e present, en quei liug ch’era duront il temps da Camathias ina idillia stursch surbaghegiada. Las damondas vegnan automaticamein: Tgei ha quella poesia da far cun nus e co tuna la cuntrada entuorn il lag oz? Ils suns, ils tuns e las ramurs registradas ein il material da basa d’Anselm Caminada. Quei material accustic ei il fundament per ina assemblascha libra, che semova entuorn ils cavazins, las atmosferas e descripziuns ch’ins anfla ella poesia.

Visitadras e visitaders san cargar cheu il cirquit sonor ed in cuort manual da diever sigl agen telefonin. Prendei cun vus voss uregliers.