DEUTSCHFontaunas
Igl onn 1870 ei Coray turnaus da Ruma, nua ch’el ei staus sco officier en survetsch dil papa. A casa mida el l’uniforma cun faultsch e fuortga. El baghegia casa, fa il pur, marida ed ha famiglia e s’engascha per la cuminonza dil vitg. Forsa che las regurdientschas vid las numerusas fontaunas dil marcau perpeten han animau el d’installar a Laax in niev sistem da fontaunas.
Leu nua che las fontaunas han duas parts, dat ei in in begl pign per lavar da tuttas sorts rauba tschuffa, ed ina fontauna (begl grond).
Cun far lischiva vegneva l’aua dalla fontauna tschuffergnada. Egl uorden da fontauna era fixau che quella stueva esser schubra il mument ch’ils animals vegnevan buentai. En special astgava negin lavar carn, beglia e.a.v. d’animals mazzai ni el begl sura ni en quel sut. Igl ugau-fontauna haveva era l’incumbensa da controllar che negin lavi piaza tschuffa el begl sura, leu nua che la biestga vegneva buentada. Medemamein stueva el procurar che la fontauna era libra il mument ch’ils animals vegnevan sil plaz. Bien pusseivel, ch’ei deva era in urari per far lischiva ella fontauna.
Sin la spassegiada tras nossa vischnaunca entupeis Vus era las fontaunas. La stad 2022 ein quellas vegnidas nudadas cun in QR-Code che meina direct a differentas poesias da Flurin Camathias (1871-1946) che havess saviu festivar il 2021 siu 150avel anniversari.
- 1 biblau / schönes blau
- 2 Romontsch, lungatg alpin sonor / Romontsch, alpine und wohlklingende Sprache
- 3 Fontaunas clar resunan / Nun singen hell die Quellen
- 4 Sulegl en il cor / Sonne im Herzen
- 5 aria clara / klare Luft
- 6 innocent / unschuldig
- 7 tschiel stelliu / Sternenhimmel