Installaziun da glisch

Duront igl unviern dat ei a Laax differentas installaziuns da glisch, ina da quellas el quartier Salums. Per igl onn giubilar da Flurin Camathias ei ina da sias historias/poesias, numnadamein «La detga dil Crap Fraissen», vegnida realisada sco installaziun da glisch. Aschia ei quella historia vegnida projectada duront ils meins d’unviern egl uaul vid las plontas. La basa per quella installaziun ei il cudisch cul medem tetel (text Riccarda Camenisch Congo, illustraziuns Luis Coray) che la Fundaziun Pro Laax ha ediu igl onn 2011.
Yvonne Gienal ei stada responsabla per la creaziun dallas novas illustraziuns.