Exposiziun ambulonta

Artistas ed artists da Laax¹, Breil², Siat³ – il spiritual da Laax ei staus sin pervenda a Breil, Andiast e Siat – e dalla regiun ein sefatschentai cun poesias e texts da Flurin Camathias, ed han presentau quels ord differentas perspectivas.

Las ovras/installaziuns artisticas ein lu vegnidas exponidas ellas baselgias/capluttas dallas treis vischnauncas.
Suenter entginas jamnas han las lavurs fatg midada d’ina vischnaunca en l’autra.

Suandontas artistas e suandonts artists han mintgamai realisau 1-3 ovras che vevan in connex cun Flurin Camathias e sias poesias:

• Livio Casanova, Siat e Berna
• Fiona Cavegn, Breil
• Luis Coray, Laax e Cuera
• Daniela Demarmels, Danis
• Annadora Friberg, Danis
• Sep Gabriel, Breil
• Michel Pfister, Vuorz e Basilea
• Susanne Stauss, Turitg
• Anna Rita Stoffel, Laax, Cuera e Turitg
• Rafael Summerauer, Andiast e Turitg

¹ Pleiv Laax
² Pleiv Breil (Breil-Vitg, Dardin, Danis-Tavanasa, Andiast, Vuorz)
³ Pleiv Rueun, Ruschein, Siat, Pigniu