Museum & biblioteca

Tgi che leva saver co Flurin Camathias luvrava, cun tgei ch’el termagliava, tgei ch’el ha scret e publicau e co la canzun «La sera sper il lag» ei naschida, lez ei staus envidaus da visitar il museum e la biblioteca.
Exponi ein era stai objects originals ord possess dil giubilar.

Duront la «Biblioteca pintga» ein vegnidas presentadas als affons las ovras da Flurin Camathias. Quei ei capitau a moda e maniera ludica, cun raquintar historias e detgas da Laax ch’igl giubilar ha era perpetnisau en sias ovras (La detga dil Crap Fraissen, Il fegl digl uors). Cun far ina spassegiada tiels «loghens originals» ein ils affons vegni confruntai cul mund dallas detgas e praulas localas.

Medemamein ha il museum envidau a tscheina. Scolaras e scolars dalla Scolaviva Laax cun la scolasta Patricia Cadruvi han cuschinau e surviu tschaveras sco dil temps da Flurin Camathias.